喂　三字頭

我最憎要開會做小丑　最怕打領呔扮哂死狗
人人話我細路我都受　其實好老餅我怕乜醜
日日winning　winning 既老豆
邊位湊湊我當佢天后
人人扮晒領袖　我話最忌出頭
其實我掛住既係快樂足球
一班麻甩佬掃貨去反斗　行夠賣夠玩夠
波波池高低跳跳到想嘔　成班癲狗
喂　三字頭　大玩具同班細佬爭打崩頭
喂　三字頭　迪士樂園欣澳站專車等候

有野玩　要玩野　請舉手
我有一個私竇有裝修
模型電器要舊有幾舊　為靚煲隻碟我睇開頭
成日英超英超買兩舊　翻工我照撐落八點鐘後
平時扮下細路　細路有大想頭
隨時又變老豆　老豆掛住推油
玩波鞋T-shirt鬥快趣爽手　人冇既我都有
草蜢和draft punk跳舞兩邊走　成班反斗

喂三字頭　望住大雄星戰合金好享受
喂三字頭　越舊越懷三塊葉經典保留
喂三字頭　艾慕杜華聽軟硬天師解愁
喂三字頭　夢幻樂園俾我任玩新玩舊
喂三字頭　扮做大人兼細路擺左擺右
喂三字頭　日日在回憶八十貪新戀舊
喂三字頭　做大事唔玩你又點玩出頭
到左七字頭　玩具大王玩訓直死得風流