01 細路哥 歌手：林海峰 | 作曲：陳奐仁@theinvisibleman 填詞：林海峰 | 編曲：陳奐仁@theinvisibleman 細路哥 你得到什麼 你失去什麼 你知道 what are u looking for 02 三字頭 歌手：林海峰 | 作曲：陳奐仁@theinvisibleman 填詞：林海峰 | 編曲：陳奐仁@theinvisibleman 我最憎要開會做小丑 最怕打領呔扮晒死狗 人人話我細路我都受 其實好老餅我怕乜醜 日日winning winning嘅老豆 邊位湊湊我當佢天后 人人扮晒領袖　我話最忌出頭 其實我掛住嘅係快樂足球 一班麻甩佬掃貨去反斗　行夠買夠玩夠 波波池高低跳跳到想嘔　成班顛狗 喂三字頭　大玩具同班細路爭打崩頭 喂三字頭　迪士樂園欣澳站專車等候 有嘢玩要玩嘢請舉手 我有一個私竇有裝修 模型電器要舊有幾舊 為靚煲隻碟我睇開頭 成日英超英超買兩舊 翻工我照撐落八點鐘後 平時扮吓細路　細路有大想頭 隨時又變老豆　老豆掛住推油 玩波鞋t-shirt鬥快趣爽手　人冇嘅我都有 草蜢和daft punk跳舞兩邊走　成班反斗 喂三字頭　望住大雄星戰合金好享受 喂三字頭　越舊越懷三塊葉經典保留 喂三字頭　艾慕杜華聽軟硬天師解愁 喂三字頭　夢幻樂園俾我任玩新玩舊 喂三字頭　扮做大人兼細路擺咗擺右 喂三字頭　日日在回憶八十貪新戀舊 喂三字頭　做大事唔玩你又點玩出頭 到咗七字頭　玩具大王玩瞓直死得風流 03 男子組 Feat. 鄭中基/蘇永康/梁漢文/古巨基 歌手：林海峰 | 作曲：陳奐仁@theinvisibleman 填詞：林海峰 | 編曲：陳奐仁@theinvisibleman 一二三四　兄弟打氣 中環人收工除呔　黑皮鞋收埋 穿新出經典復刻　七零年波鞋 湊夠腳約吓老友　踢吓波冇壞 細個嘅老友到晒　個個都肚腩大 新波衫波砵皮球衝出球場拉柴 心情如小孩　仲扮活潑通山嗌 波友一黐埋　吹水懶灰諧 三張幾通處派　佢大力射咗出界 身邊靚女走晒　我額頭禿鬼晒 仲廿歲仔咩　o徙氣 你係咪要想死　想死你都有排 車樓我點供晒　一身屁股的債 仲扮眼濕濕　扮晒o翕耷 但係我都冇錢　點借錢你還欠債 ＊老友咪嘆氣　我點幫你　baby 　振振兩臂　拍拍背肌 　打氣　baby　力要谷起 　想當天可以孩子氣　未要孭飛 　今天爭爭氣男子組靠你＊ 死仔　嚟埋堆啦埋 死佬　玩得起玩埋 死仔包　爭乜鬼金牌 一齊　跑唔完都跑埋 小球場　一班耆英　跑全場死捱 筲箕灣施丹大坑碧咸狂打柴 踢兩嘢個個斷氣　個個煙癮大 老友記老過魯爾　對腳應砌去賣 呢班波　當打時期　攞小型球金牌 呢場全挽鞋　大啖白泡嘔得快 口水都乾埋　踩波車拗柴 乜筋都抽過晒　佢淨係打winning快 啤酒兩jar隊晒　身紀有得好快 係咪要修身　減肥 食藥再搣脂　姿整過小女孩 翻工我翻足晒　我份人工減晒 又未到炒得　未算死得　就算炒 最多早退休　暢遊世界 REPEAT＊ 細個大家執波很快 個個大把瀟灑走上街 球場維記　行行企企 平台瞓覺　魚翅我食到飽晒 要買合金爸爸即買 細個話之當街小個解 童年時你　童年時我 聯羣結拜　成個世界我玩晒 老友咪放棄　放都o徙氣　baby 振振兩臂　拍拍背肌 打氣　baby　用腦谷起 一班啤酒肚在喘氣　大曬腹肌 波波交俾你男子組靠你 老友我撐你　我梗幫你　baby 振振兩臂　拍拍背肌 打氣　baby　射到飛起 今天點可以話之理　仲放飛機 爭番一口氣男子組靠你 04 維園阿伯 歌手：林海峰 | 作曲：陳奐仁@theinvisibleman 填詞：林海峰 | 編曲：陳奐仁@theinvisibleman 公園裏爆粗口　打倒個漢奸狗 推翻抗議高手　乜都反的領袖 普選憲法炒樓　七一數碼西九 乜都有佢把口　揸支咪嗌破喉 菲菲佔據出口　踩板跳上心口 郁親佢佢即嬲　青筋頸火爆頭 燈熄了佢收口　吹煙送罐啤酒 公園櫈坐低抖　一支公鬼咁吽 睇踢波再睇捉棋　行到腳軟嗌悶攤草地 一朝到刻冇乜心機　維記阿伯當維園屋企 睇吓踢波睇細路嬉戲 睇吓拍拖睇散步千里 天光佢一個喺波地　天黑一到嘆一口氣 等禮拜日佢就亂咁發顛 維園今天　昨天　昨天 迫花市氣點抖　當晚抱個係手 得三歲似一休　波地一起踢球 公園那個出口　當天放艇一艘 反斗要買可口　手拖手攬膊頭 一九八四中秋　花燈照遍山丘 草地兩個隊酒　數星星數宇宙 燭光吻過傷口　九七柱銘舉手 一起唱過一首　當天仔跟老豆 轉眼間已七張幾　沒有老友記陪他捉棋 粒聲冇出冇返屋企　維記阿伯當維園屋企 睇吓慶祝睇每台好戲 睇晚會花展佢楝篤企 身邊佢只有收音機　朝朝出發到公園企 等禮拜日過後佢會去邊 維園今天　昨天　昨天　昨天 新春去花市迫餐死　中秋節賞月攤草地 池裏放快艇溜冰捉棋　維記與你愛到死 邊個踢波邊個在嬉戲 邊個賽跑衝線前等你 當天有仔有女OK　今天一個到公園企 講到最後假日佢會去邊 維園熄燈會點 05 億萬少年彼得潘 歌手：林海峰 | 作曲：陳奐仁@theinvisibleman 填詞：林海峰 | 編曲：陳奐仁@theinvisibleman hello　億萬少年著對bapesta 44　501襯undercover 佢有白金黑卡　佢大洗到死　na hello　佢愛phantom大hummer nike L/V jacob佢大把 佢叫彼得潘　國際superstar na 傳說彼得潘　想買火箭 成副身家有過億的少年 銀石鑽錶面　稀有罕見 牙又要金到會閃走最前 名店VIP　確係有面 獨個於總店裏面掃新貨 潮爆嘅經典　俾佢睇見 全部買起佢冇點睇價錢 hey　彼得潘　佢話要　要買隊波 佢話買就買冇壞啫 懶得管　咩價位　都買起你　na hey　彼得潘　購物怪　掃貨嘅高手 佢一嘢掃晒你又點啫 有乜款　乜嘢色　包晒俾你　na hello　億萬少年個勢夠跨 老友遍佈世界個個富家 設計唱嘢畫家　佢大哥有飛　na hello　彼得　佢有米亂花 GUCCI adi figure百二打 佢叫彼得潘　國際super誇　na 話說彼得潘　誇到黐線 傳說中一個貸款的少年 尋日發花顛　打個呵欠 話要買起個東京先至掂 大叫碌咭先　夾萬有錢 大耳隆call佢佢就嗌打錯 夜半嘆枝煙　扭暗光線 然後佢講句要珍惜眼前 hey　買咗先　貴就貴　見貨就攞 hey要買你一百次 要碌咭　碌嘢先　碌爆死你　na hey　最新款　繼續買　買到冇收油 hey　有貨到call兩次 玩得款　玩兩玩　即厭即棄　na 多得你使香江更閃亮 耀眼的彼得潘星味高漲 絕世的無敵賣相 願各位風光不變絕冇走樣 hey　買咗先　有別注　掃貨盡多 hey鬥快去衝個刺 冇得等　等吓先　啋你o徙氣　na hey　冇得出　佢就爆　爆到爆粗口 hey爆兩句好刺耳 買咗先　包冇死　包冇谷氣　na hey　咪鬼諗　要就買　買到著火 hey買到喪失理智 買幾千　幾百億　少理少理　na hey　有今生　冇下世　買啦要爽手 hey老細睇啱試試 彼得潘　小富翁　想買起你　na 06 搞出嘢 歌手：林海峰 | 作曲：Jerald 填詞：林海峰 | 編曲：Jerald 一早起身又唔願起身 返到公司又唔想做嘢 對住阿姐　唔想做嚟做去　都係嗰啲嘢 成副機器　唔想日做夜做　啤啤啤 咁點呢　吓　咁點呢 越嚟越hair　唔想越嚟越pair 我係一條龍　唔係一條蛇 唔要等車　行快兩步去　搵吓自己要嘅嘢 搵阿星爺　嘆杯熱茶咖啡　嗲嗲嗲 我哋要　搞啲嘢　yeah　搞啲嘢 喂　出嚟飲杯嘢啦喂　圍埋傾啲嘢啦喂 一齊度啲嘢啦喂　諗吓搞啲乜嘢啦喂 一世打工似乜嘢　一於要做番啲嘢 諗啲嘢　傾啲嘢　搞啲嘢　唔想hair 大人做嘢　夾手做壇大嘢 勇就好夠勇　唔夠水喉fair 唯有隊啤　人醉我又醉　嘔到大家猛作嘢 搵李嘉誠夾錢去月球發展　嗲嗲嗲 我問你　喂　你嗲乜嘢　吓　嗲乜嘢 喂　出嚟飲杯嘢啦喂　圍埋傾啲嘢啦喂 一齊度啲嘢啦喂　諗吓搞啲乜嘢啦喂 飲到個身體傾斜　班友掛住開心hair 諗乜嘢　傾乜嘢　搞乜嘢　hair hair hair 落翠華　上文華 相約舊同學　叫杯茶　吹水到家 大生意　咪猶豫 先集資　然後搞上市　講得夠誇 無聊騎呢旦散有乜用　就襯興奮去衝動 做個好夢發夢會成功 喂　炒埋公司個老細　圍埋一班獻獻計 搞壇大單嘢架勢　諗吓退休點嘆過世 呢舖實掂過碌庶　咁高興仲講乜嘢 飲杯嘢　飲jar嘢　飲打嘢　yeah yeah 喂　出嚟飲杯嘢啦喂　圍埋傾啲嘢啦喂 一齊度啲嘢啦喂　諗吓搞啲乜嘢啦喂 講過幾多幾多嘢　把口咁大吹乜嘢 一邊hair　終於會　搞出嘢 yeah yeah yeah 07嘻嘻哈哈 歌手：林海峰 | 作曲：農夫 填詞：林海峰 | 編曲：DJ Tommy ＊你嘻嘻嘻　我哈哈哈　唔慣有太多廢話 　你嘻嘻嘻　我哈哈哈　唔駛達文西解碼 　你嘻嘻嘻　我哈哈哈　唱吓嘢玩結他 　做唔成劉德華　可以學吓楊千Fa＊ 個世界點解變到烏喱媽叉 唔知邊句係真　唔知邊句係假 呢頭大地震個頭又大轟炸 經濟好完轉頭就話經濟差 太多變化　呢舖死梗啦 唔係呀話　你咪話我話　話之佢啦 嘻嘻哈哈　算啦　算把啦 就算冇樓揸　冇車揸　冇人工加 富爸爸突然變咗大輸家 大贏家突然變咗窮爸爸 成副身家　La La La La La La La 得番撻La　得番個渣 冇晒米啦　仲永遠放假 家不似家　揀樓跳啦 你嘻哈　就冇嘢怕　Say嘻哈 REPEAT＊ 我唔係天不怕地不怕　其實唔係好好打 就算種棵花冇開花　不過時間有大把 俾我慢慢花　所以唔怕你蝦　我驚你有牙 話之理　邊個作主　邊個當家 總之我愛這個家　你咪話我話　話之佢啦 總之嘻嘻哈哈　算啦　算吧 嘻嘻哈哈　算啦 嘻嘻哈哈　嘻嘻哈哈　個個Wonder Bra 嚟啦　啦啦啦　嘻嘻哈哈 要喊就喊大喊啦 嚟啦　啦啦啦　嘻嘻哈哈 要笑就笑大笑吧 你嘻嘻嘻　我哈哈哈　唔慣有太多廢話 你嘻嘻嘻　我哈哈哈　唔駛達文西解碼 你嘻嘻嘻　我哈哈哈　唱吓嘢玩結他 做人唔駛大搜查　開心唔駛食大麻 08 老婆仔女狗仔隊 歌手：林海峰 | 作曲：恭碩良 填詞：林海峰 | 編曲：恭碩良 成班衰佬　搞乜嘢好 嗌晒奶茶又汽水　圍埋講波吹水 皮膚好好　質地夠好 個個有型又靚女　銅鑼灣好多女 上網摷嘢　摷靚女　睇表演踢腿 喱係屋企煲碟　睇一江春水 有個派對有靚女　等緊邊位去追 追車追飛碟　乜鬼都想追 條腰幾好　小腿更好 半瘦半肥係靚女　甜甜地香香水 唔想走寶　即刻帶帽 個個向前亂咁隊　做神風敢死隊 要爭取　最新鮮鬆化卜卜脆 快跟隊　成班佬出發　一起闖禁區 我要徹退　有嘢搞　搞乜鬼咁衰 翻翻公司開會OT傾幾咀 仲要去買餸買米　飛返屋企散水 一天黑　好好先生守規矩 人有我冇　咁點算好 有個髮型亂咁吹　麒麟手金剛腿 成班衰佬　拈花惹草 我要柄埋夾晒腿　唔浦得好鬼衰 我想咀　我想啱傾嘅傾幾句 救火隊　猛火三級我想即刻噴水 要收隊　有杯好酒冇得飲醉 快飲水　若果想解渴整杯冰冷水 仲去跳舞　好鬼老土 我有老婆兩個女　同成街狗仔隊 09 玩具大王 歌手：林海峰 | 作曲：馬念先 填詞：林海峰 | 編曲：馬念先 玩吓玩吓　迷你扭蛋扭幾吓 劉米高公仔一套十幾打　擺吓之嘛 玩吓之嘛　懷舊咭片機打吓 望吓PSP　bid套舊世嘉　玩吓炒價 一買四部　玩我最豪 賤價變賣　賣完落場又買 整隻八哥　未算誇 玩佢兩日　即晚放盤 未厭嗌悶撞埋蓬牆大嗌 仲有冇嘢更襟玩　俾我玩 玩我幾大　玩到通宵好嗎 玩放煙花好嗎　我全力去馬 玩吓牽掛　復古傢俬摸幾吓 白雪ipod黑膠駁大喇叭　睇下之嘛 玩鬥威吓　大隻金勞好曬 成架low低mini夠壞　玩劈急彎玩驚怕 玩吓嗌悶　玩過要換 話咁快熱情一秒過我就戒 求其求過癮玩唔停　貪玩 不要結伴　不要有伴 我自求我快樂大晒 行勻全場最好玩始終一個人玩 玩吓之嘛　玩到識飛好嗎 盡情自己玩吓　反到一絲不掛 細碼變大碼 10 新浪漫 Feat. 劉美君 歌手：林海峰 | 作曲：Site Access 填詞：林海峰 | 編曲：Site Access 咩名幾多歲　你叫美儀美雪美時 口啞啞講句　你太迷人要望第二次 邊位識佢　有冇見過我　我有冇見過你 終於翻到去　和你再碰見　我說句你好 諗起佢細細個　我兩個愛過 小可愛　好鍾意玩跌膊 佢一笑就甜過蜂蜜 有一個酒粒　把聲夠好聽 牛仔褲　鬆粒鈕 膝頭哥　穿晒隆　雙膝見光 鍾意佢　半成熟一面 我諗起先知　我地相識於八幾年 canton dd鬥　有舞照跳　鬥靚鬥放 gazebo演奏　modern talking的士高歌 euro beat勝　new wave的拍子首首經典 當天真高興　那裏我與你　晚晚連場遊戲 一九八幾分手那天　講三次點解會咁 不牽強講即將會點　講一生不變相當老土 講真心講永久包笑死 點愛先似樣　愛到死太誇張 oh yeah你當天講我知 我地冇愛情　有快樂　永不過時 j　晚晚陪人坐　傻癡癡整晚望住我 oh j　為何扮自我　就像凍天不說話陪我 j　仲扮大個　齊來找開心　一夜情忘我 當天幾多歲　那個舞池載滿友誼 啱傾傾幾句　快快纏綿再會無限次 一雙一對　你愛我愛你　說說愛太過氣 乾一杯飲醉　和你跳跳舞　你對我最好 點解　點解　點解我哋咁失敗 j　寂寞夜難過　甜絲絲一吻不算是罪過 oh j　誰人來陪我　事後不清楚總算浪漫過 oh j　重頭來過　從前的撫摸今日來重播 let me touch u one more night 11 細路哥II 歌手：林海峰 | 作曲：陳奐仁@theinvisibleman 填詞：林海峰 | 編曲：陳奐仁@theinvisibleman 某一年一班剛剛考完會考嘅同學約埋一齊唱K 流行曲唱到一半嘅時候 其中一位朋友問咗隔離嗰位一個問題 喂　你估吓二十年後嘅今日我地會變成一個咩人呢 二十年後 可能已經變成一個西裝骨骨嘅中環人 手帶勞力士　銀包有好多張信用卡 放工嘅時候就一齊响酒吧度 一邊望住個煙灰盅 一邊就望住隔離檯嗰個女仔 睇吓佢條裙幾時會走光 二十年後 大概終於會買咗個部好想擁有既汽車 但係仲有二十幾期要供 二十年嘞　應該轉過好多份工 識做嘅野越嚟越多 但係同時發覺學識越嚟越少 响嗰個時間　間唔中可能會去吓gym 但係做嚟做去都係減唔到個肚腩 當然二十年嚟你間唔中都會諗起一段 一路都未能放低嘅感情 女朋友越嚟越多　但係愛嘅越嚟越少 細路哥　你得到什麼　你失去什麼 你知道　what are u looking for 大概响嗰個時候可能會有身邊嘅親人離開 而响個陣時你會有好多講唔出口嘅遺憾 同時間你會發覺原來人生已經過咗一大半 同年終於結婚嘞 用左半生嘅積蓄俾左一層樓嘅首期 有車位有泳池會所 娛樂越嚟越多但係快樂越嚟越少 兩年後　可能會離婚 回復單身之後嘅一個晚上一個人响床上面 揸住個搖控不停咁轉台　食咗兩粒安眠藥 跟住點起支薄荷煙 然後流咗一滴自親人離世之後嘅眼淚 突然之間你又諗起　响二十年前 你係一個咩人　係個一晚 一大班同學約埋出嚟唱K唱到天光 仲記得係個朝返到屋企嘅時候 打開門响檯面見到有一碗屋企人留低嘅湯 碗湯已經凍咗嘞 細路哥　你得到什麼　你失去什麼 你知道　what are u looking for 12 流行曲 歌手：林海峰 | 作曲：Eric Kwok/Jerald 填詞：林海峰 | 編曲：Eric Kwok/Jerald 清唱　一開口用喉嚨聲清唱 這樣　才會令你為我拍掌 扮偶像派係我理想 感動　段段歌詞要寫得感動 能夠　講鼓舞及明日理想 一淺白易明人就唱　wo 假音　唱到第二段嚟個假音 震音　震爆個尾音至夠壓場　wo 慘情　我愛你抵死冇好收場 煽情　必兩粒眼淚情緒高漲　wo 去到　chorus chorus要易記易唱　wo 記住要　重複　重複　我為K迷著想 仲要　repeat又repeat　這旋律先算最強 流行曲　要大眾　隨時隨地唱 點唱　手機響用和弦聲即唱 這樣　日與夜我會到處響 日播夜播就最理想　wo 和音　要大量和住咪我走音 懶音　好有風格人人會跟得上　wo 去到　chorus chorus要易記易唱　wo 記住要　重複　重複　我為K迷著想 仲要　repeat又repeat　這旋律先算最強 流行曲　要令到　全場大合唱 再上再上　呢段要越唱越搶 再上再上　呢段會越唱越娘 爭住唱　你記住要出我份糧　冇錢點唱 再上再上　乸實塊面唱做樣 再上再上　一定會斷氣內傷 三連音　三連音　三連音 三連音　三連音　三連音　音 wo chorus chorus要易記易唱　wo 記住要　重複　重複　我為K迷著想 仲要　repeat又repeat　這旋律先算最強 流行曲　唱就唱　咪求其是但唱 我首流行曲　一定中　一定爆 爭住點唱　攞硬獎 DVD: 01. 四樓小球場 02. 林狗盃初賽 03. 三字頭 (MV) 04. 劉米高林狗 05. 林狗盃初賽 II 06. 男子組 (MV) 07. 陳師傅烏粉 08. 林狗盃季軍 09. 流行曲 (MV) 10. 復刻蜆殼櫈 11. 林狗盃冠軍 12. 發花顛海報 13. 夏老威制作 14. NCMLIVE 15. 八字形賽車