一放工 菊花都放鬆
主唱：新青年理髮廳
作曲：新青年理髮廳
填詞：新青年理髮廳
編曲：
監製：
歌詞
繃緊的你 壓力大到想死
得果幾天假期 仲要受氣
想睇齣戲 放工十二點幾
等到紅色假期 又逼到飛起
講多曬氣 不嬲都無乜自己
返左幾個星期 好似有左身己
一於懶理 做野求求其其
老細俾說話你 就當佢放屁
一間公司無靚女同事 我好難去共事
好難係工作中搵到興趣同人生意義
而我依家最快樂既事就係準時收工
望到個鐘夠鐘放工我連菊花都放鬆
然後老闆話唔好意思有啲野要幫手
仲問我可唔可以幫手搞埋啲野先走
喂 我六點鐘收工呢件事係你知我知
無謂要搞到你又搞到我要搞到你媽咪
屋企靠你 份糧得萬幾
慳啲洗到月尾 得番幾蚊儲起
一句到尾 褲頭勒到上腹肌
屋企果隻哥基 都就快餓死
果年中四 溫書溫到想死
今年廿四 要晚晚刀仔拮大脾
一味嘆氣 阿媽話我未夠爭氣
做到五十幾 你想得太美
每當朋友叫我加油 我會叫佢慳返
有乜野需要加油又冇人工加得加班
工作既法則側重老闆 玩法相當簡單
同老細匯報工作要匯報得冠冕堂皇
啲同事搵你要扮忙 俾人鬧完要淡忘
冇乜特別唔好太準時收檔當係留堂
有心理準備冇時間準備俾你發展自己
我用我既青春同時間幫間公司勃起
我返工 要俾人問候祖宗
我返工 要入到東涌
我返工 企足十幾個鐘
我返工 悶到發噏瘋
我返工 ot冇人工
我地返工 冇曬啲青春
