我的Hip Hop
主唱：Heyo
作曲：Heyo / Doughboy
填詞：Heyo
編曲：Heyo
監製：Doughboy
歌詞
仲記得第一次聽到 妳 既聲音
嗰種感覺點樣騷動我 心深處既靈魂
一直植根 嗰種熱情仲未降溫
甚至密不可分 我因為 妳 搵到我既存在感
由果日起 我地一齊打波
一齊跳舞踩板返學 我地拎住 iPod
著對 Air Force 去打破隔膜
過每個日出日落 我聽住 妳 既音樂
你冇揼低我一個
自此我地相處每一日
每次我地講既 what’s up
嗰個手勢有幾獨特
Uh 我都仲記得
即使旁人唔明白 話我地姿態太奇特
但係我對 妳 太投入 將佢地視之為無物
Yup So Wat 只要我戴起個耳塞
有 妳 係身邊 我頓時變得 怡然自得
同 妳 每一日 都好似變得 更充實
而呢一則 故事 就係我十六七歲 埋下伏筆
自始 我開始 寫低我地既事
用我每隻字 去到堆砌屬於我地既詩
冇人會知道 冇遇上 妳 既話我地又會發生乜野事
因為個故事 從來 冇 NG 從來冇 Plan B
Yo 起碼到現時為止
已經冇野可以 取代到 妳 係我心中既位置
甚至太多人話 鍾意 妳 所以我至在意
點解佢地一講起 妳 既時候 硬係串錯字
Uh 或者係佢眼中 我地係個金礦
我會相當失望 當 妳 甘心被綑綁
所以 我試過放低 妳 當考驗下對方
先至發覺 我已經係 妳 不可或缺既配方
我唔知道冥冥中 係已經整定
定抑或係我生命中 有野要秉承
但係如果我地既相遇 係個使命
咁我地就係呢個路口 蒞做個見證 俾 Hip Hop
